聯乘時尚設計師Paul Smith，打造環保創意款MINI Cooper

MINI同英國知名服裝設計師Paul Smith聯乘出品，以環保及和持續發展理念打造嘅全新MINI STRIP，近日於英國倫敦全球首發。呢款基於MINI Cooper SE定制嘅新車，融入Paul Smith同名服裝品牌及MINI對於可持續發展提出的創意想法，喺「簡單、透明及可持續性」嘅主題下，表達全新視角。

作為一名對單車及書籍充滿熱情嘅設計師，Paul Smith對於生活擁有自己嘅態度，佢所提及嘅思考，為探索及超越當下事物提供全新視野，並且佢表示，基於MINI團隊對於佢本人嘅信心同自由嘅設計氛圍，今次雙方MINI STRIP計劃嘅合作碰撞出獨特嘅火花。通過回歸汽車本質，以減法形式將多餘事務去除，達到接近完美。其中，設計團隊以原材料本有外觀構造新車，去除油漆，淨喺使用一層薄薄透明油漆防止腐蝕。鍍鋅鋼板上保留工廠打磨痕跡，清楚咁將汽車識別為功能性物品同埋日常生活伴侶。

MINI STRIP內部空間亦採用簡單而透明嘅設計理念，所有裝飾件均被去除之餘，外露嘅車身藍色框架成為新車最為主要嘅視覺元素，散發獨特美感。使用眾多可回收、環保的材料打造嘅內飾，繼續宣揚新車可持續發展理念，橡膠地墊、回收軟木等各式回收產品製成嘅部件，設計得非常有質感。而圓形玻璃手機支架替代咗中控MINI標示性儀錶板，只要將手機放上去，將會自動連接新車嘅音響等媒體部件。