美版2022款Jetta注重環保實用性，作為家庭車你點諗？

近日，Volkswagen喺美國上市2022款Jetta四門房車，作為品牌旗下30年來喺世界各地市場最為暢銷嘅緊湊型房車，新一代Jetta依然主打經濟實用性同埋充足空間，標配1.5L EA211 TSI渦輪引擎可提供158匹馬力，採用APS塗層汽缸套，減少缸體摩擦之餘，亦能減少引擎重量，從而提升耐用及續航里程。更高效嘅高壓油嘴擁有350Bar嘅噴射壓力，可實現更好嘅燃油霧化效果。仲有全新嘅水冷系統，提高流水效率之餘亦能保證引擎喺最佳嘅工作溫度。

喺車內，Jetta客艙都擁有升級技術同埋設計更新。Volkswagen喺Jetta上標配 8 英寸數字駕駛艙儀錶顯示屏。標準的Volkswagen Car-Net®同埋車載 Wi-Fi 功能，方便車主日常使用。全新嘅菱形布座椅亦喺標準配置，同埋整個駕駛艙內嘅對比色縫線。Jetta車型提供人造革或皮革座椅表面供客戶選擇，皮革座椅更提供全新火山棕連黑色雙色調方案。

除此之餘，如果想擁有更強馬力，Volkswagen依然保留咗Jetta GLI車型，搭載品牌旗下最強四缸引擎EA888，可輸出228匹馬力。可選六速手波或七速DSG雙離合自動波箱兩者無疑都喺玩車絕佳嘅選擇，其中手波帶來嘅全車操控感，同埋DSG波箱嘅快速換擋體驗，都可以比車主獨特嘅駕駛體驗。如果你喺資深車迷，EA888呢副引擎你絕對唔陌生，擁有鑄鐵中缸同埋VTG結構，只要簡單刷一個電腦程式都可以提高車輛嘅馬力輸出，有心改裝更有好多門路，對於車迷來講，一台實用家用車亦附帶玩車樂趣，你有冇心動呢？