最大扭矩600Nm，新一代國產V6引擎處國際領先水準

近日，內地汽車製造商中國一汽官網上公佈，其完全自主研製及設計嘅新一代V型6缸直噴增壓引擎喺品牌研發總院完成試製，代號為V6TD換代，即將作為內地高端汽車品牌「紅旗」豪華房車嘅旗艦動力。新款引擎基於國內領先嘅V6平臺所打造，引擎最大淨功率可達到340kW，即475HP嘅馬力輸出，而最大扭力可達到600Nm。

相比上一代產品，全新引擎可以話喺擁有「質」嘅飛躍，其中動力性指標提升41.6%，經濟性指標提升6.6%，達到國際同類型引擎嘅領先水準。採用應用微米勒迴圈燃燒系統、“HOT-V”雙中置渦輪增壓等九大先進技術嘅V6TD換代，同時提升緊湊化、輕量化、模組化、精益化等技術水準，產品競爭力大幅提升。

作為新一代機型，V6TD換代非常有機會搭載下一代「紅旗」品牌旗下嘅V6車型，替代現款四門房車H9，同埋四門SUV HS7頂配車型所搭載嘅3.0升V6引擎，將國產引擎嘅技術自主得到更大嘅提升。值得一提嘅喺，國產汽車豪華品牌「紅旗」進駐愈來愈多國家及地區，而澳門本地亦有經銷商入駐，有興趣嘅朋友可以前往親身感受。