成都國際車展正式開幕，內地自主品牌新車齊亮相

早前因疫情延期嘅第二十四屆成都國際汽車展覽會，終於喺8月29日正式開幕，今次活動作為內地近期最大型嘅汽車展會，今屆展會吸引咗126個海內外汽車品牌參與，展出共1600台汽車行業嘅優質整車，包括咗內地合資品牌、自主品牌，同埋德系、日系、美系、韓系等全球知名品牌參與。

自新冠疫情，全球汽車行業受到重創，內地作為世界上最重要嘅汽車產銷地，產生深遠影響。成都作為內地西南經濟中心，汽車市場非常活躍，作為後疫情時代嘅重要汽車行業舞臺，今次成功舉辦意義重大，自展會首日，已經舉辦咗多達60場汽車新品發布會，合共揭幕首發車型多達70台，其中有23款新車為全球首發。

其中，豪華品牌嘅新車包括，BMW全新X3、平治2022款全新C-Class、Audi Q2L等，而Jagura同埋Land Rover攜旗下6款新車，國內首發亮相，美系品牌Lincoln亦發布兩款限量版車型，飛行家MONO同埋冒險家MONO。除咗新車之餘，改裝品牌亦有亮相，其中德國定制改裝品牌LUMMA喺今次展會上全球首發CLR RS車型。

除此之餘，國內自主品牌亦選擇喺車展現場集體亮相新車，接下來幾日，小編為你精選多部國產新車介紹，了解內地前言汽車市場之餘，亦為大家詳細介紹國產自主品牌新車嘅獨特之處，同埋最新科技。屆時，如果你移居大灣區或橫琴，選擇一台最新國產座駕代步出行，絕對喺超值之選。