或成為Model X競爭對手？VW將於IAA Mobility 2021發布全新ID.5 GTX

近日，Volkswagen於官網上率先透露接近量產版嘅ID.5 GTX概念車，官方以「像雙門轎跑車一樣優雅，像SUV一樣強大」來形容全新ID.5 GTX，可想而知呢架新車品牌方比佢嘅定位喺有幾犀利。新車作為第一款基於MEB模塊化電驅動平台嘅SUV Coupé車型，採用雙電機AWD驅動模式，加上流線型嘅車身，非常符合現時電動SUV市場嘅口味。

車頭IQ.Light LED 矩陣大燈擁有智能控制遠光燈功能，車頭VW標誌兩則嘅逐漸變細燈帶，與延續到車身兩則側嘅發光組件相結合，具有科技感。位於前部傾斜嘅車身A柱，讓車頂線條優雅流暢，並延伸至車身後部，喺後擾流板中匯合變細。車尾3D設計嘅LED尾燈，更添奢華感，加上醒目燈帶，引人注意。

據官方介紹，縮寫GTX代表Volkswagen汽車品牌嘅全新運動風格，延續成功嘅GTI、GTD同埋GTE 車型傳統，並將其轉移到電動汽車領域。ID.5 GTX前後軸上都有一個電機引擎，採用雙引擎四輪驅動嘅新車，能夠保證強勁嘅駕駛性能、卓越嘅牽引力同埋運動操控性。車軸之間嘅大型鋰離子電池，預計可實現高達497 km行駛里程。