平治唔再推出新款燃油車型？

雖然近年電車愈來愈普及，但喺燃油車依然喺道路上嘅主要交通工具，近日平治於官網宣布，2030年後，將唔再推出新款燃油車型。直至今年，平治已推出五款全電EQ車型，並且仲有多部新型號正蓄勢待發，相信過幾日嘅德國最大嘅汽車展覽會IAA上，平治將會有全新電動EQ車型公布。最終，平治以全型號姿態，覆蓋電車市場。

根據平治嘅計畫，2025年將推出三款全新純電動車型架構，其中，MB.EA平台將覆蓋所有品牌旗下中大型乘用車，建立一個可擴展嘅模塊化系統，作為未來電動汽車產品組合嘅主要支柱。而追求性能嘅AMG.EA平台則注重打造高性能電動汽車，打造基於技術和性能嘅全新AMG電動車型。而最後一個VAN.EA平台，平治將開創一個電動廂式車和輕型商用車嘅新時代，以全電形式，將為未來交通和城市嘅零排放做出貢獻。

除咗三個全新電氣化平台，平治已打造超過八間超級電池工廠，並正在籌備第九間。下一代平治電動車，車載電池將高度標準化，覆蓋品牌旗下90%嘅電動車型，極大提昇用戶使用嘅靈活性。除此之餘，平治同埋合作夥伴正在研發新一代電池，通過全新嘅材料，達到更高能量密度和安全性嘅設計理念，讓新車擁有更高嘅續航里程，同埋更短嘅充電速度。