全新Bugatti Chiron Super Sport極速登場

講起道路極速品牌，Bugatti嘅大名無人不曉，品牌旗下跑車所裝備嘅W16引擎爆發出嘅澎湃動力，絕對讓多數車迷印象深刻。而近日Bugatti又有新車發布，作為Bugatti Chiron新一代產品，新車被冠以Super Sport之名，叫得Super Sport當然性能更加強勁，繼承咗Bugatti Chiron流線型嘅車身之餘，新車車頭更加低沉，而車身兩側亦全新升級為更具下壓力嘅空氣動力學套件。為咗追求更低嘅風阻，設計師更加增大咗後擴散器嘅橫截面，車尾部份增加左大約25釐米。排期連後擴散器亦重新設計，唔單止改善咗車底氣流導向，亦為新車提供下壓力。全新設計只為車主更容易享受到貼地飛行嘅感覺，即使新車飚至極速440km/h最高速嘅情況下，新車嘅空氣動力學套件依然能將車輛緊實地貼近地面，帶來輕鬆安全嘅極速駕駛體驗。

動力方面當然唔可以少咗Bugatti標配嘅8.0升W16四渦輪引擎，經過工程師不斷升級，新車馬力相比過往車型提升多100匹馬力，可輸出驚人嘅1,600 PS馬力。為咗追求強勁嘅性能，Bugatti嘅工程師對於新車嘅Turbo、油泵、氣缸蓋連氣門機構以及波箱同埋離合裝置都進行咗升級，帶來更高嘅引擎每分鐘轉速，現時Bugatti Chiron Super Sport嘅W16四渦輪引擎可在2,000 到 7,000 rpm之間就可以爆發1,600Nm扭力。只需5.8秒，新車就可以從0加速至200km/h，比普通房車0至100km/h嘅加速更加之快，非常驚人。而相比普通版Chiron，Chiron Super Sport從0加速至400km/h要更加快多12%。