全新765LT Spide：Mclaren有史以來最強大開篷超跑

被官方譽為Mclaren有史以來最強大開篷超跑嘅全新765LT Spide，近日終於喺官網上露面，新車融合極致嘅性能同埋打造專注賽道嘅駕駛體驗，值得一提嘅喺，Mclaren一直喺車輛嘅輕量化上面十分執著，而新車上輕量化設計亦達到極致，全車僅有1,388 公斤（DIN 重量），相比720S Spider輕咗成80公斤，有足一個成年人嘅重量，而相比競爭對手嘅開篷版車型，最少都要輕咗成100公斤有找。

輕量化設計主要來自全車使用嘅高性能輕量化材料，車身部件亦使用先進嘅碳纖维技術，使用鈦金屬打造嘅排氣系統，比鋼材質要輕成40%，全車仲使用更輕身嘅玻璃，亦大大減少全車配重。除此之餘，據官方介紹，新車絕大部分減重來自車內配置，輕量化碳纖维座椅同埋更為之輕嘅Alcantara內飾，新車嘅重量大大減少。就算加上開蓬機制，765LT Spide相比硬頂版車型重咗唔夠50公斤，令人不得不讚歎Mclaren嘅輕量化技術如此強大。

動力方面，新車依然使用Mclaren引以為傲嘅V8 4.0升雙渦輪增壓引擎，可輸出765PS馬力，同埋800Nm扭力。得益於波箱嘅傳動優化，LT Spider擁有有史以來最快嘅傳統效率，相比720S嘅波箱齒輪加速快咗成15%，而0至100km/h只需2.8秒。

繼承765LT出色嘅性能，新車空氣動力學套件產生嘅超級下壓力，採用類似720S GT3賽車同埋McLaren Senna GTR相同嘅車頭設計，引導空氣穿越車身，形成更強大嘅下壓力，而超大尾翼亦喺全車空氣動力學嘅重要一環，除咗可以穩定後驅車胎，亦為新車提供出色嘅彎道性能。