你可能唔知，世界上第一台貨車竟然深藏三叉星血脈

1896年8月18日，Gottlieb Daimler推出了世界上第一輛擁有引擎嘅貨車，其後Gottlieb Daimler將呢台車出售比倫敦汽車公司British Motor Syndicate。而125年後，一台全新半掛式貨車從德國Stuttgart抵達英國倫敦，而呢台名為Mercedes-Benz Actros嘅全新貨車搭載咗兩台歷史悠久嘅貨車，因此，連同Actros在內，Mercedes-Benz展示275年商用貨車完整歷史。

其中一台， 1896年生產嘅貨車配備一台名為Phoenix引擎，擺放於車身後部，呢台引擎源自當時嘅房車，採用雙缸1.06升設計擁有4HP馬力，Gottlieb Daimler通過皮帶將其連接到後軸上。仲有彈簧保護敏感部位，免受震動。

而另一台歷史悠久原型貨車，曾喺德國Dresden交通博物館展出。1898年，Gottlieb Daimle同埋Wilhelm Maybach)將位於後部嘅兩缸Phoenix引擎移至駕駛員座椅下方位置，同時四齒輪皮帶傳動向前轉移。但喺，該解決方案仍有一定不足之處。同年，兩位設計師將呢台貨車引擎放置喺前軸前則，通過四齒輪皮帶傳動裝置連前後縱軸同埋小齒輪將其10HP馬力傳送到後輪上，而呢個設計保留至今。