VW 7座緊湊型SUV只需25,995美金起售，是否啱你心水？

25,995美金起售、184匹馬力、緊湊7座、大氣外型、LED大燈，呢啲全部都喺2022款Volkswagen Tiguan最新公布嘅細節，20萬MOP出頭選擇一部咁嘅SUV，相信大多數車主同我一樣，撲都撲上去呀。Tiguan作為Volkswagen品牌旗下最受歡迎嘅SUV，喺美國市場亦非常受歡迎，雖然喺緊湊型SUV，但喺車主可以根據自己嘅需求揀選5座同埋7座版本，如果有運貨需要，第二排座椅可以採取40/20/40嘅形式放低，而第三排座椅都可以50/50咁左右擺平，非常方便。

搭載Volkswagen非常成熟嘅高效2.0升渦輪引擎，可輸出184匹馬力，配合八速自動波箱嘅扭力分配，喺城市路段絕對夠力，除此之餘，頂配車型搭載嘅4Motion全輪驅動系統，可實現更為平穩嘅動力輸出，更符合現代家庭使用。

而美版Tiguan最值得留意嘅喺，Volkswagen安裝咗一套IQ.DRIVE駕駛員輔助系統於新車之中，呢套系統包括：前輔助連前方碰撞警告、自動緊急制動帶行人監控、盲點監控、後方交通預警、轉換車道輔助同埋ACC自適應巡航控制等諸多新科技產品。全套安全系統為車主把關城市道路上嘅每一個盲區，保障出行安全。