Vettel因燃料樣品問題被取消匈牙利站第二名成績

根據Formula 1官網啱啱嘅消息，喺匈牙利站取得第二名嘅Aston Martin車隊車手Sebastian Vettel，因賽後大會未能喺佢嘅賽車內提取足夠所需嘅燃料樣本，因此大會衹能夠取消佢匈牙利站第二名嘅成績，而原本第三、第四名Lewis Hamilton同埋Carlos Sainz自動上昇一個名次，導致Lewis Hamilton積分達192分，進一步拉開佢同Max Verstappen嘅差距。

根據Formula 1技術規定，所有車手確保喺賽事任何時候都可以从車內抽取1升燃油樣本，供大會抽樣作記錄，而琴晚嘅匈牙利站比賽，賽後大會喺Sebastian Vettel嘅賽車中，衹能夠抽取到0.3升燃油樣品，遠遠低於大會規定嘅1升數量。據Aston Martin車隊表示，佢哋已經打算宣佈上訴，更補充到第二名18分積分嘅損失十分令人失望，但喺今次小插曲亦唔能夠抵消Sebastian喺匈牙利站出色嘅發揮。