top of page

Toyota贏得WEC開門紅

國際汽聯年度盛事:世界耐力錦標賽(WEC),終於係比利時Spa-Francorchamps打響第一站賽事,Toyota Gazoo Racing使用最新發表嘅GR010 HYBRID戰車,贏得第一站賽事LMH組別冠軍,取得開門紅。今站賽事,Toyota Gazoo Racing依然採用雙車戰略,車身編號為 7及 8嘅兩台GR010 HYBRID賽車係成個比賽過程中,發揮出非常穩定嘅表現。值得一提嘅喺,Toyota#7賽車係練習賽時間遇到事故,幾乎讓賽車錯失今站賽事,好在車隊工程師不斷努力之下,先可以確先可以確保 7號賽車正常出賽。

賽事採用Rolling Start展開角逐,排頭位嘅兩台Toyota賽車表現十分出色,以絕對優勢平穩地累積行車里程,身後唯有一台#36 Alpine緊追不捨。第一個戲劇場景出現係賽事開始後一個半鐘8號車因首次進站入油時間未達最低標準,因此受到大會罰時30秒。而比賽進行到4小時左右, 早前因事故而受損嘅7號車鎖死肽盤,衝出賽道,直接讓出領先地位。

但戲劇事件並未完結,喺比賽最後一個鐘,領先嘅#36賽車右前胎遇到故障,最終拱手相讓領先位置。雖然之後賽事出現三次黃旗,但係 Toyota#8號賽車最終以162圈總成績與1分07秒差距,贏得今年第一站WEC Hypercar冠軍,而狀況連連嘅#7號賽車,最終以第三名成績完賽,為車隊係WEC嘅舞台上,贏得寶貴積分。

今站賽事結束後,所有車隊將會擁有一個月嘅整修期,6月13日將會喺葡萄牙Portimao進行下一站賽事,鐘意WEC嘅朋友千萬不能錯過!


Comentários


bottom of page