RR Cullinan同等氣場，紅旗LS7霸氣亮相

近日，內地車媒率先爆料一款國產大型SUV紅旗LS7，新車外觀十分硬朗，延續品牌家族式前臉設計，非常之有氣勢。車身硬直線條，菱角分明，驟眼望去同美式大型SUV氣場由得揮。現時，新車嘅資料並冇太多，雖然未有車尾諜照露出，但喺內地媒體估計，依然會採用品牌標誌性貫穿式尾燈，設計理念將沿襲H9。

動力方面，巨大嘅車身需要充足馬力，而紅旗LS7並冇順應電氣化潮流，將採用燃油架構，據內地媒體透露，新車將搭載一台超大型V8渦輪引擎，最大功率可能超過650匹，而扭矩則擁有850Nm，讓人無不感慨內地首把交椅嘅汽車品牌對於產品嘅定位無不大氣。