MV Agusta發布終極版F3 RR運動街車

MV Agusta近日推出咗入門版F3 ROSSO之後，近日又再公布終極版F3RR車型。新車所擁有嘅賽用化空氣套件，可額外提供更大下壓力。喺外觀方面，F3RR採用F3系列嘅設計語言，喺車身兩則，新車擁有比普通車型更大嘅碳纖維定風翼，採用縱向設計，類似本田CBR1000RR-R設計元素，可額外提供多8KG下壓力。

喺動力方面，新車所搭載嘅798cc直列三缸引擎，採用雙向油冷系統，缸內擁有DLC塗層，最大馬力可輸出147PS同埋88Nm扭力。如果車主選擇加裝定制品牌天蝎為新車定制嘅排氣同埋賽用ECU，新車最大馬力可提升到155匹。

喺底盤方面，採用抗扭力與縱向剛性更為出色嘅後搖臂，為後輪提供更好嘅穩定性，搭配重新設計嘅鍛造後輪圈，比普通版本減少多10%嘅重量之餘，慣性亦再減少7%。喺電控方面，進退快排、彎道ABS、牽引力控制、防翹頭控制，彈射起步等功能應有盡有。新車現正公開發售，現時只需21900歐元，就可以擁有。