Lotus攜旗下多部全新超跑，重返Monterey Car Week

2019年，英國跑車製造商Lotus喺美國Monterey Car Week上，公布旗下純電未來超跑Evija，而時隔兩年後，Lotus亦再次現身今年嘅Monterey Car Week嘅舞台當中，唔單止為車迷再次帶來Evija之餘，仲有品牌最後一台內燃動力超跑Emira實車，亦將喺Monterey Car Week一展身姿。

Lotus Evija作為次世代純電動超跑，絕對喺今次車展嘅舞台中心，今次展出嘅Evija採用黃色搭配藍色調，而配色方案靈感來自品牌1987 年標誌性Formula 1賽車：Lotus 99T，Formula 1傳奇人物Ayrton Senna當年喺Detroit大獎賽中，駕駛呢架賽車獲得冠軍。其中，99T採用開創性電控主動懸架，使其能夠喺崎嶇不平且技術要求十分之高嘅市中心街道賽道上行駛。

而Emira作為Lotus最後一台內燃動力產品，安裝有3.5升V6引擎，可輸出車主可以根據自己喜好選擇手波或DCT自動波車型，0至100km/h只需4.5秒。除此之餘，Lotus仲宣布Emira將搭載平治最強2.0T直列四缸渦輪引擎，相信車重可以進一步降低嘅同時，性能會有更好嘅改觀。