LG发布概念座舱：Another Home

汽車一直被定位為代步工具，為日常生活帶來便利，但喺近年隨住科技發展，愈來愈多科技公司將汽車打造成車主嘅第二空間。近日舉行嘅CES 2022上，韓國LG喺展會上發布咗一款基於品牌「Another Home」理念所設計嘅Vision OMNIPOD移動概念艙。

LG Vision OMNIPOD移動概念艙使用上揭式車門，全車得車身右側有一個大車門，供乘客出入。進入車廂，一塊上下連貫嘅大屏幕十分搶眼，而LG專門設計嘅虛擬AI私人管家，會提供智能服務，可以通過手勢同埋語音同車主溝通。喺前排座椅左側同車頂區域，裝備有環繞式超大屏幕，並且所有屏幕可以觸碰控制並聯動顯示。

當乘客坐到前排座椅上，座椅會自動向車輛嘅正前方旋轉，同時還會向前移動一段距離，中控屏幕自動升起，兩者結合便於乘客操控中控屏幕。當前排座椅調整完成後，中控屏幕將自動升起，多項家居設備將即時點亮。除此之餘，車內大量收納空間，可供車主使用。後排座椅可以調整至訓平姿態，猶如身處自己屋企。