Lando Norris賽季首次桿位發車，Lewis Hamilton失誤錯失頭三位

如果我同你講，今晚Formula 1俄羅斯站嘅賽事發車頭三位分別喺：McLaren、Ferrari同埋Willams車隊，你千其唔好唔信，其中個人積分榜榜首嘅Max Verstappen因被罰退後三位發車，從而決定更換新引擎從車隊隊尾發車，而另一位爭冠車手Lewis Hamilton則因喺排位賽中頻頻失誤，導致最終要喺第四位發車。

時間猶如翻到2002賽季，當年積分榜頭三位McLaren、Ferrari同埋Willams車隊喺今年Formula 1俄羅斯站排位賽中都擁有非常之好嘅發揮。其中McLaren車隊嘅Lando Norris更加喺表現搶眼，喺Q3最尾時刻跑出咗全場最快成績1:41.993，比第二位嘅Ferrari車手 Carlos Sainz快咗成0.517秒。而稱霸俄羅斯站賽事多年嘅Lewis Hamilton則表現令人失望，喺Q3最後幾圈時車隊選擇讓Lewis Hamilton進站換胎，爭取領先。但喺Lewis Hamilton因自己失誤，喺進站果時車胎撞墻，損失咗寶貴時間之餘，再次出現喺賽道亦未能取得更好嘅成績，最終只能夠喺第四位起跑，相當於自罰自己三位起跑。

眾所周知，紅牛賽車擅長雨戰，今次Max Verstappen選擇從隊尾出發，有多方面嘅考慮，據外媒報道，往年紅牛車隊喺俄羅斯站嘅賽事均未能取得好成績，呢條注重賽車最高時速同埋加速能力嘅賽道一直都唔喺紅牛賽車所擅長。賽前一直有報道話今次俄羅斯站賽事可能會喺雨中進行，而紅牛都選擇全力放手一搏，希望更換狀態更好嘅引擎，依靠賽車出色嘅彎道能力，從後追趕，取得更好嘅名次。但喺人算不如天算，據最新天氣預報顯示，今晚所舉行嘅賽事可能唔會有雨，Max Verstappen如何從隊尾向前追趕，亦喺今站賽事一大亮點。