Honda CB300R登陸歐洲，多項配備全面更新

曾幾何時熱銷印度、台灣等亞洲市場嘅Honda CB300R，將於新個一年登陸歐洲，為了迎合市場車身多個細節得到升級，包括數字顯示儀表、滑動式離合、全新車身顏色、升級版前懸掛同埋全新造型排氣。並且，Honda亦重新調校新車嘅排氣系統連更大嘅尾喉，應對歐洲嚴苛嘅環保法案。

動力方面，新車依然搭載一具286c.c.水冷單缸引擎，可以喺最高9,000rpm爆發出30HP馬力，相對於145KG嘅車重，動力輸出非常之可觀。新車前懸吊同CB650R採用一樣嘅41mm SHOWA SFF-BP倒立式前叉，後懸吊為5段預載可調中置單管後避震；而煞車方面，採用咗前四活塞浮動卡鉗配296mm碟盤連後煞車為單活塞卡鉗配220mm碟盤。