Ford最新全電Pick-up Truck亮相

電氣化時代，愈來愈多車型改用全電驅動，就連作為工具車嘅美式Pick-up Truck，都將迎來電氣化改造。其中，美式Pick-up Truck霸主車型Ford F-150日前以全新電氣化姿態亮相，品牌日前公布最新F-150 LIGHTNING全電車型，通過最新科技打造跨越多場合使用嘅強大性能，勢必引領未來潮流。

F-150 LIGHTNING依然採用非承載式車身，车身採用軍用級鋁合金打造，新車外觀採用最新一代家族標誌性樣式，封閉式鬼面罩賦予新車更強嘅未來感。首次搭載嘅Pro Prorailer Hitch Assist擁有自動駕駛功能，可控制車輛行駛油門同剎車功能。

動力方面，內置雙電機引擎提供4x4全輪驅動模式，超大扭力亦喺新車亮點之一，當配置extended-range battery時，新車最大可輸出563hp馬力及775 lb.-ft.扭力，相比現時所有汽油引擎F-150擁有更大扭力，0至100km/h只需4秒左右。超大扭力為車主帶來更多出行有效負載，其中，嘅前引擎艙則改成為儲物空間，擁有400升容量，全車最大有效負載高達2000磅，並具有10,000磅嘅牽引能力。

低重心亦喺F-150 LIGHTNING作為全電Pick-up Truck嘅獨有優勢，新車電池單元擺放喺車架中間，無論任何路況都可以輕鬆駕馭。除此之外，由韓國SKI公司提供嘅新車電池大有來頭，兩種電池配置分別可以為新車提供370km及482km續航能力，車身配有2.4kWh電源插座，供車主日常使用。根據官方介紹，電池電量可供整棟房屋用電，基於每日家居30 kWh使用量，新車提供3日電量，如使用Ford Charge Station Pro連home management system智能用電，最長可為全家提供10日電量。