F1匈牙利二練：平治力壓紅牛領先，法拉利挑戰中游

酷熱嘅天氣並非匈牙利Hungaroring賽道賽道嘅唯一主角，啱啱完成嘅Formula 1匈牙利站第二次練習賽中，Mercedes-AMG車隊兩位車手Valtteri Bottas同埋Lewis Hamilton力壓紅牛車隊嘅Max Verstappen，取得第二次練習賽成績一、二名。其中，Valtteri Bottas以1:17.012嘅最快成績登頂，相比第一次練習賽快咗成0.6秒，而Lewis Hamilton同佢差之毫釐，以+0.02秒嘅微弱差距位居第二，排喺第三嘅Max Verstappen與排頭嘅兩位車手有成0.3秒嘅差距，相信喺今晚舉行嘅排位賽階段，兩對車隊都會做出相應調整，應對超過33度高溫，取得更快成績。

值得一提嘅喺，昔日勁旅Ferrari車隊好似對於匈牙利嘅酷暑未有非常好嘅應對方式，兩位車手Charles Leclerc同埋Carlos Sainz，分別取得第11同埋第12位嘅成績，相比榜首車手嘅最快圈數有成1.3秒嘅差距。咁嘅成績肯定好難同鍾意躍馬車隊嘅車迷交代，相信佢哋喺今次匈牙利站賽事嘅首要任務喺取得完賽積分，對於車隊有所交代。