BRABUS 800：打造終極全地形SUV

平治旗下御用改裝品牌AMG嘅大名，我哋就聽得多，而另外一個御用改裝品牌Barbus你又知唔知，以豪華超級大馬路作為改裝目標嘅Barbus，近日又有新搞作，以MERCEDES-AMG GLE 63 S COUPÉ 4MATIC+進行深度定制，將現代SUV嘅空間同埋可靠性融合超級跑車嘅操控性及性能，打造出一台擁有588 kW同埋800PS馬力嘅超型怪獸：BRABUS 800。

動力方面，Barbus依然採用AMG GLE 63嘅4.0升V8雙渦輪增壓引擎，1000Nm扭力輸出同超跑有得揮。而馬力上嘅爆漲主要來自對於引擎嘅改裝，除咗為新車裝備更高性能嘅渦輪之餘，仲搭載Barbus自家定制高性能不銹鋼排氣，性能得到進化嘅同時，新車嘅聲浪絕對冇得頂。

除咗馬力上嘅大提昇，Barbus賦予新車更為進取嘅外觀，獨家定制嘅碳纖维外包圍，不單止能夠改變空氣動力學，讓新車獲得更高嘅下壓力，前臉鬼面罩亦殺氣十足，非常之有氣勢。尾部巨型擴散器連埋四出排氣，第一眼就可以讓身為車迷嘅你深深咁愛上。

值得一題嘅喺，動力強勁嘅引擎所匹配嘅9速波箱，需要承受巨大扭力之餘，換擋速度跟得上超跑賽車，0至100km/h只需3.4秒，而最高時速被廠商限制喺280km/h。如果車主願意，自動波箱可設定為手動換擋模式，喺賽道上為車主提供得心應手嘅駕駛體驗。