BMW iX十一月正式上路

作為BMW旗下電氣新世代旗艦產品，BMW iX以全新技術打造零排放運動型SUV，革命性設計理念打造豪華闊落嘅車內飾，配搭自動化駕駛連同數字化服務等創新元素，BMW iX將致力打造全電Sports Activity Vehicle（SAV）嘅創新體驗。

今次BMW iX率先發布咗兩個車型，分別為BMW iX xDrive40及iX xDrive50，兩款車型都將使用全電驅動，其中iX xDrive40喺WLTP工況下可輸出326hp，電池電量為71 kWh，行駛里程達到425 公里，而iX xDrive50總輸出更達到523hp，電池電量為105.2 kWh，行駛里程亦將提升至630 公里。官方更透露後續將推出更高馬力嘅M power車型iX M60，介於現時正處於開發階段，相關數據並冇透露。

採用Combined Charging Unit為新車充電，可以使用高達200 kW (BMW iX xDrive50) 或 150 kW (BMW iX xDrive40)嘅直流電源迅速插電，BMW iX xDrive5只需35分鐘內，電池狀態10%增加到80%。而BMW iX xDriv40只需31分鐘內，電池狀態10%增加到80%。

新車車身結構、設計原理及底盤調校都卓越融合咗乘坐舒適性及運動嘅特性，全鋁製車架連碳纖維車頂，極大降低全車重量，仲有側後方使用嘅Carbon Cage’s use of carbon fibre-reinforced plastic (CFRP)智慧材料組合，增加車身剛性之餘最大限度減低全車車重。極低嘅風阻設計亦喺BMW iX嘅秘密武器之一，SAV車型風阻系數竟低至0.25，慳電之餘更能有效減少風噪。

追求運動操控性能亦喺BMW iX嘅設計理念之一，高壓電池位於全車下方，結合均勻嘅重量分佈，更適合靈活嘅操控同均衡嘅駕駛特性。除此之餘，採用電動全輪驅動技術讓車主喺所有駕駛情況下都可以將扭力精準傳輸至前後輪，增加車輛操作靈活性。而車內智慧系統更可以實現新車隨時改變驅動模式，一鍵即可從四輪驅動模式轉為純後輪輸出。

車內空間亦喺新車嘅亮點之一，簡介嘅設計語言連精緻細節，營造出奢華及具有現代感嘅內飾空間。新車搭載新一代iDrive顯示及操作系統，全新BMW Operating System 8以12.3英寸+14.9 英寸組合曲面中控大屏幕連語音控制系統作為亮點，車主唔單止可以觸控屏幕操控，更可以同車內數字個人助力語音溝通。

種類繁多嘅駕駛輔助設備，只為車主能安心駕駛，其中L3級別自動駕駛功能使用車內強大嘅中央處理器為基礎，成套系統包含五個攝像頭、五個雷達感應器以及12個超聲波感應器組成，360度全方位監視車外環境。正面碰撞警告系統具備主動剎車功能，更有側方開門警告，預防車主打開車門時發生碰撞。

（資料來源：BMW Group）