top of page

BMW發布同級最強開篷房跑車



講起性能開篷房跑車,BMW M power當之無愧可稱為專家,從第一代E30年代開始,先後打造過E46及E93等多款經典十足嘅性能開篷房跑車,為咗延續呢個傳統,近日BMW公布咗全新一代BMW M4 Competition Convertible車型,新車基於現款G80 M4所打造,完美繼承曬M power運動基因,並首次配搭M xDrive四輪驅動技術,性能方面絕對喺同級最強。



新車全身上下都喺亮點,車頭雙腎型鬼面罩延續新一代G82 M4風格,兩側碳纖維倒後鏡喺新車標配,仲有M power標配四出尾喉,霸氣十足。如果車主你嫌棄咁都唔夠,仲可以選擇M Carbon及BMW M Performance外裝零件,純黑飾件絕對能讓新車型格升多幾個Level。前19吋後20吋light-alloy 鍛造輪圈連埋M Compound 迫力卡鉗,日常出行絕對夠用,但喺如果你想揸埋落賽道,記得選配可媲美賽車嘅M power定制碳陶迫力卡鉗,比到你最好嘅表現。



動力方面,全新M4C Competition採用直六TwinPower Turbo引擎連埋八速M Steptronic波箱,可輸出510 hp馬力及驚人嘅650 Nm扭力。唔好比賬面數據嚇襯,M power首次喺M4車型搭載M xDrive AWD系統,呢套系統基於BMW 領先嘅電控四輪驅動技術所打造,並配有Active M差速器增強車輛牵引力,方便車主日常駕駛。除此之餘,新車可選擇4WD、4WD Sport及2WD三種駕駛模式,如果車主想體驗純RWD嘅駕駛樂趣,新車唔單止可選擇RWD駕駛模式,仲可完全禁止行驶稳定性控制系统,另新車嘅可玩性大大提高。當然,鐘意玩車嘅車主記得一定要選配M Drive Professional系統,可變式牵引力控制以10級調節車胎打滑控制,只需調節得當,漂移完全冇難度。



底盤調教一直喺M power嘅強項,因配搭載M xDrive AWD系統,新車後軸首次採用經過特殊調教嘅五連桿懸掛,而前側依然採用BMW領先嘅雙球頭麥花臣懸掛。車身結構及底盤安裝咗多個抗扭力原廠支撐件,除咗引擎頂吧,車尾副車架仲有多段支撐,增加車身剛性。



Softtop開篷軟頂相比上一代車型重量輕咗40%,只需18秒開篷軟頂即可完全開關,甚至喺低速移動中,開篷軟頂機構依然可以完成相關工作。前座採用包裹性十足嘅M Sport座椅,採用碳纖維加Extended Merino leather皮革包裹,減低整車重量之餘,仲可選通風功能,就算熱辣辣嘅夏天都毋有怕啦。




bottom of page