BMW全新E Ink技術，隨時改變車身花紋！

你有冇諗過，你嘅愛車可以隨時根據你嘅心情來改變車身顏色同花紋？近日，BMW係2022 CES展上，帶來一架可以隨時改變車身花紋嘅BMW iX Flow。呢架概念新車大有來頭，全車採用BMW最新E Ink技術，全車各個飾面，甚至連輪圈都可以根據車主嘅情緒和個性化要求來訂製花紋及改變顏色。唔好講咁多，一起來睇下以下呢段片，來感受下呢台極具未來科技嘅BMW iX Flow啦！

根據BMW介紹，E Ink技術近似一種電泳技術，好似kindle電子書嘅電子墨水，以數以百萬計嘅電子元件覆蓋喺BMW iX Flow車身表面。其直徑相當於人類頭髮嘅粗細，並且所有電子元件中都包含帶負電極嘅白色顏料和帶正電極嘅黑色顏料。當受到電子信號刺激時，電泳技術將會選擇相應嘅色塊，喺中央電腦嘅控制下，變成各式花紋。