918HP性能怪獸：MANHART打造最速SUV

如果你覺得喺Nürburgring曾贏得最速SUV頭銜嘅Audi RSQ8速度未夠快，唔緊要，位於德國Wuppertal嘅專業改裝品牌MANHART幫到你。近日，MANHART官網上出現一台名為MANHART RQ 900嘅深度改裝案例，將原本性能強勁嘅Audi RSQ8武裝到牙齒，通過改寫車輛ECU之餘，大改車輛動力系統，將原本Audi RSQ8 600匹馬力同埋800Nm數據，大大改寫為918匹馬力同埋1,180Nm嘅驚人數據。

能夠大幅提昇車輛動力數據，主要得益於MANHART專業團隊為Audi RSQ8專業定制嘅動力套件，RQ 900 嘅引擎配備咗MANHART中冷器，仲有Eventuri同埋MANHART共同開發嘅碳進氣口，以及MANHART渦輪增壓性能套件。除此之餘，排氣部分亦全面升級，團隊為新車配備一套具有閥門控制功能嘅MANHART 不銹鋼四出排氣系統，每個排氣管直徑有成100毫米。

呢套改裝方案唔單止有實力，亦為RQ 900定制MANHART專屬車身風格，犀利黑色車身帶有金色飾條連字母裝飾套裝。全車完整碳纖維寬體套件包括：輪拱加長件、前擾流板、前車架、側裙、車頂擾流板附件、後擾流板連擴散器，相比原型Audi RS Q8則更加激進。車胎方面亦有重大升級：側翼啞光飾面MANHART Classic Line 輪輞連輪輞側面嘅金色裝飾條安裝喺翼下。而車胎尺寸更達到10.5×24同埋12.5×24英寸，輪胎尺寸為 295/30 ZR24 和 355/25 ZR24。