2023款Corvette Z06將於10月26日首次亮相

近日，美國汽車品牌Cherolet宣布，旗下中置引擎Muscle Car Corvette，將於10月26日推出代號為Z06嘅2023款車型。Muscle Car顧名思義當然喺會擁有V8大排量，據外媒報道，新車將搭載全新研發嘅5.5升V8汽油引擎，新款引擎充分考慮性能取向，採用類似Ferrari V8引擎嘅V型大角度設計，最高喺最高轉速9,000rpm並產生超過600匹馬力。作為品牌旗下高性能擔當，新車非常大可能推出ZR1版本或hybrid車型。

其次，據外媒報道，新車嘅5.5升汽油引擎將搭配GM集團旗下嘅八速雙離合波箱，換擋速度絕對比前作更加順滑。除此之餘，新車可以搭載專注於賽道嘅Z07 Performance套件，更激進嘅空氣動力元素包括更具下壓力嘅前唇之餘，超大尾翼為新車尾部提供極佳穩定性。碳陶瓷製動器同埋Michelin Pilot Sport Cup 2 R賽用化車胎都可能成為可選項目。當然，新車最吸引人嘅當屬價錢方面啦，基礎版只需50萬MOP嘅價錢，就可以購買到一台中置引擎美式大V8，諗下都流口水。