top of page

Hyundai KONA Electric領跑馬拉松





一年一度由體育局及澳門田徑總會主辦,銀河娛樂集團冠名贊助嘅「2021銀河娛樂澳門國際馬拉松」,已順利舉行。今屆賽事,除咗吸引咗12,000名參賽者參與同埋創意十足嘅創意服裝之餘,小編發現今次賽事竟然採用咗Hyundai KONA Electric為運動員領跑,非常之驚喜。

喺小編心中,KONA Electric喺一台非常之全面嘅電氣化城市SUV,佢有成312公里高續航之餘,安靜又反應迅速嘅車身動力系統,可以喺領航任務中,減少對於領先運動員嘅滋擾之餘,迅速調整車輛節奏,亦能減少對於運動員嘅影響。

外型方面KONA Electric亦個性十足,車頭鬼面罩融為一體,平滑得來亦非常有科技感,十分切合電車主題。車頭大燈猶如Iron Man裝甲戰衣對犀利雙眼,搭配LED頭燈組合,為運動員照亮一切前行嘅道路。

得0.29嘅風阻系數能有效減低車輛效能,完成全程賽事更加容易。作為城市級SUV,採用電氣化架構嘅KONA Electric,車內空間十分出色,如有需要,裝備各種物資亦冇難度。當然,車頂行李架被用於安裝賽事計時牌,而日常,車主亦可以選擇擺放同等大細嘅行李,讓車輛擁有更加豐富嘅儲物空間。


bottom of page