電氣化+未來出行方式：BMW關注未來可持續發展

即將喺今年9月7日至12日舉行嘅德國IAA 車展，BMW集團作為IAA最大嘅參展商，通過展示對於未來嘅願景，深入探討提高可持續性、設計連貫嘅循環經濟和城市交通等方面嘅議題。其中，集團通過BMW可持續發展實驗，以宏觀嘅角度削減碳排放。而BMW集團已經為自己設定咗削減二氧化碳嘅雙重目標，唔單止未來將要削減工廠二氧化碳排放，亦將每架車喺其生命周期過程中嘅二氧化碳排放量減少至少三分之一。

而BMW喺今次展會嘅另一大亮點，將首次展示全新BMW 電動汽車型：四門電動房車i4 同埋四門電動SUV iX。i4作為BMW旗下第一款全電Gran Coupé車型，採用BMW eDrive四驅技術，續航里程可達 590 公里。而iX作為品牌旗下未來願景，專為電動出行而打造，憑藉高效嘅全輪驅動系統，可實現長達630公里嘅續航里程。

除咗兩款全新電動 BMW車型之餘，今次展覽參觀者將睇到最新亮點嘅BMW Motorrad。BMW Motorrad將喺今年嘅IAA上展出三款開創性車型。其中包括採用完全重新設計嘅BMW CE 04 電動摩托車。CE 04於2021年7月7日慶祝其全球首發，公眾可在IAA中同新車擁有更密切嘅接觸。除咗零排放的BMW CE 04摩托車，BMW Motorrad亦會喺IAA上公布另外兩項激動人心嘅概念研究。呢兩項研究面向未來全電動出行概念，專為在城市空間中使用而開發，以滿足居住喺城市中嘅人們偏好和要求。