top of page

車隊車手雙冠軍,平治車隊奪冠有幾多運氣成份?


柏林站嘅結束,亦標註第七季賽季嘅Formula E比賽正式完結。喺最後一站嘅賽事上,平治旗下Mercedes-EQ車隊嘅兩位車手Nyck de Vries同埋Stoffel Vandoorne最終獲得第8及第3名嘅成績完賽,但無阻賽季車隊及車手雙冠軍落入平治車隊。對於任何一支車隊,今個賽季嘅賽事絕對喺稱得上十分之艱難,除咗新冠疫情,喺賽季中有多支車隊宣布即將退出Formula E嘅舞台,讓呢項充滿科技感嘅賽事未來飄忽不定。

柏林站嘅最後一場比賽中可謂戲劇性十足,雖然Nyck de Vrie排喺幫手,但喺位於13位發車嘅佢,非常之容易喺今站賽事冇積分入賬,而排喺身後嘅三位車手,分別為ROKIT VENTUR車隊嘅Edoardo Mortara、BMW車隊嘅Jake Dennis同埋JAGUAR車隊Mitch Evans都有機會喺今站賽事反超。但喺,戲劇性來得非常之快,賽事發車階段Mitch Evans嘅賽車遇到故障,而無法啟動,被身後多部賽車超過嘅同時,Edoardo Mortara因唔留意賽道狀況,橫衝撞上停喺起跑線上嘅Mitch EVANS賽車,導致雙方賽車受損而不得不退出比賽。

而另外一位有機會衝擊冠軍嘅車手Jake Dennis,因自己操控失誤,而衝出咗跑道,最終不得已退出比賽,離開賽車後,Jake Dennis亦表現得十分懊惱。競爭者陸續出局,排喺車隊積分榜榜首嘅Nyck de Vries,絕對喺鬆一口氣,只要佢喺今站賽事有積分入賬,車手總冠軍嘅頭銜非常大可能由佢獲得。最終,佢以第八名嘅成績完賽,獲得4個積分入賬,並已99個積分獲得賽季車手冠軍。

如果話車手冠軍存在戲劇成分,車隊總冠軍絕對喺平治車隊嘅實力體現。第十四輪賽事處於積分榜第二嘅平治車隊,憑藉今站柏林站當中,車隊嘅兩位車手發揮出色,最終登頂冠軍。其中,Stoffel Vandoorne取得第三名嘅15個積分,可謂非常重要,柏林站開始前平治車隊落後榜首JAGUAR車隊13個積分,正正喺Stoffel Vandoorne取得一個領獎台席位,讓平治車隊超越JAGUAR車隊獲得車隊總冠軍。

bottom of page