top of page

超級大雨,Formula 1夏休後第一站賽事能否發車成疑


今(29)晚嘅Formula 1比利時站賽事可能要令廣大車迷失望啦,因為比利時Spa-Francorchamps賽道當地強降雨,2021年Formula 1夏休後嘅第一站被逼大延遲!根據當地衛星雲圖顯示,比利時Spa-Francorchamps賽道所在地位於密集雲層嘅中心地,天氣預報顯示,當地落雨好有可能延續超過8小時,雖然大會未有公布延期比賽嘅計劃,但喺據外媒推測,今年Formula 1比利時站賽事非常大可能推遲。

因天雨地滑,紅牛車隊嘅Sergio Perez喺比賽開始之前就遭遇咗一場滑鐵盧,佢喺前往發車區嘅途中,喺賽道嘅RB16B彎道,因失去抓地力導致賽車衝出賽道,車頭嚴重損毀,導致被逼退出比賽。而Sergio Perez嘅退出對於紅牛車隊絕對喺噩耗,現時車隊積分榜上,紅牛車隊同埋平治車隊嘅競爭處於白熱化階段,而Sergio Perez嘅退賽,無疑喺沉重嘅打擊。

比利時大雨讓今站賽事變得沉悶,自前兩日嘅練習賽同埋排位賽,雨天地滑嘅因素導致非常多車手挑戰極速更具難度。截至發稿前一刻,大會依然未能決定Formula 1比利時站嘅發車時間,據外媒報道,今站賽事非常之有可能延期或取消,鐘意Formula 1嘅車迷只能耐心等待,可能下個星期荷蘭站賽事會更為精彩。而小編亦特意留意荷蘭站當地天氣預報,暫時天氣晴朗嘅預測,只能將Formula 1精彩賽事嘅期待,延續多一個星期。

Comments


bottom of page