top of page

超級大雨成就Formula 1歷史上最短分站賽


超過三個鐘比賽延遲、所有車手從維修區發車、喺安全車帶領下進行比賽,呢啲都喺2021賽季Formula 1比利時站賽事嘅戲劇因素,而琴(29)晚於比利時Spa-Francorchamps賽道舉行嘅Formula 1分站賽仲創下一項紀錄,所有賽車喺安全車嘅帶領下完成兩圈賽事後即完賽,創下Formula 1歷史上最短分站賽。


(通过Ferrari車隊嘅Carlos Sainz車載攝像頭,就可以了解當日場雨有幾大)


之所以能夠創下呢個記錄,多得當地嘅超級大雨,從星期五嘅練習賽開始,雨水就一直伴隨住今站賽事,直到發車前一刻,比賽場地仍然濕滑。其中,紅牛車隊嘅Sergio Perez喺發車前嘅暖胎圈當中,因失去抓地力而衝出賽道,而濕滑嘅地面唔單止讓所有賽車失去抓地力,最大問題喺賽車喺高速行駛時,尾部所帶來嘅水霧,極大影響後車視野,諸多不安全因素影響下,大會主辦方因此延期發車時間。

根據當晚衛星雲圖顯示,Spa-Francorchamps賽道被包裹喺濃密嘅雲層當中,要想喺當日完成比賽可謂難上加難。根據FIA規則,作為Formula 1嘅分站賽場地需要向FIA上繳一筆高昂嘅費用,其中轉播同埋門票收益都需要同FIA有所分成,而直接取消或順延比賽亦會影響比賽賽程同埋賽道方嘅賽事安排。

為咗比現場等待多時嘅車迷同埋各方一個答復,賽事延遲三個鐘後,大會決定所有車手喺維修區發車,喺安全車嘅引導下進行賽事,行咗兩圈過場後,大會終於宣布,因天雨影響將取消今站賽事,而車手比賽名次得以保留。最終,比利時站排位賽第一位嘅Max Verstappen順利登頂,WILLIAMS車隊嘅George Russell同埋平治車隊嘅黑帝Lewis Hamilton獲得二、三名成績。



Commentaires


bottom of page