top of page

華人設計師打造三廂復古型格電動車




Edward Lee嘅大名可能十分普通,但喺鐘意復古車嘅車迷近年一定聽聞過佢嘅大名,作為近年推出多款復古電動車嘅Alpha Motors嘅CEO,品牌旗下多款設計絕對稱得上精美。而近日,Alpha Motors又推出一款中型三廂復古電動車Saga,其方正嘅復古設計,吸引一眾車迷嘅眼球。

Alpha Saga可視為Alpha Ace Coupe嘅加長版,車身設計採用家族語言,極簡線條構成整車輪廓,Hatchback車尾十分利落,具有運動氣質。可能稱得上經典嘅當然要數新車嘅車內設計,復古中控台連機械式按鈕,好有韻味。LED儀錶板採用復古指針樣式,連引擎轉速表亦換成上世紀60年代款。

根據官方數據,新車可選擇後置單電機或前後雙電機兩個配置,而百公里加速最快可以喺六秒內完成,續航里程不少於300公里。現時車迷只需4萬美金就可以擁有一台低配置嘅Alpha Saga,作為復古車迷,可謂非常划算。




bottom of page