top of page

新冠疫情導致產能不足,連Toyota都宣布9月將減產36萬輛


近日,Toyota官網率先披露,受疫情導致汽車零件生產不足嘅影響,今年9月份全球產量將從原計劃90萬輛各式車型,減少至54萬輛,減產規模達到36萬輛,占當月計劃產量嘅4成左右。其中日本國內約減產14萬輛,而海外工廠將減少22萬輛。從公布嘅數據顯示減產計劃中睇到,今次減產計劃涵蓋Toyota同埋Lexus品牌旗下幾乎所有車型,就連運動車型GR Yaris都要受到波及,相信已經訂車嘅車主只能耐心等待。

多間外國媒體推測,今次Toyota減產嘅主要原因來自因疫情導致嘅半導體芯片產能不足,雖然Toyota曾經喺2011年福島地震後就加強咗半導體芯片儲備,但由於近排東南亞各地嘅新冠疫情再度爆發,導致Toyota終於避無可避,極大嘅影響咗Toyota品牌旗下所有車型嘅零部件採購,因此最終造成Toyota全球大規模停產。

眾所周知,近一年來,半導體芯片嘅供應問題一直困擾各大車企,除咗Toyota之餘,美國Ford、GM等多間汽車品牌亦喺近日表示,已經開始計劃喺北美洲嘅生產工廠安排大面積停工時間。


Comentários


bottom of page