top of page

推全電概念出行,BMW打造城市出行創意


近年來,街道上嘅車輛愈來愈多,而喺繁華市區,停車位又喺一位難求,喺澳門有時出街,雖然行路3個字,但喺天氣燥熱都喺想揸私家車出行。近日,BMW研究部門新出咗兩款概念出行產品,分別喺概念電動自行車Dynamic Cargo,同埋概念電動滑板車Clever Commute。



其中,概念電動自行車Dynamic Cargo,集合城市零排放及靈活通行方式,採用緊湊運貨cargo bike理念打造,具有高靈活性同埋適用性。多用途裝載平台可切換不同配件,靈活使用。而Dynamic Cargo嘅關鍵部件喺前側主車架,通過主軸連接車輛後部,後部採取低矮設計,可以保持車輛平衡。內置電氣化動力系統,可以通過兩個後輪輸出動力。就算喺惡劣天氣情況下,車輛中嘅天氣保護裝置亦可保障車主安全出行。

而另一款概念電動滑板車Clever Commute被BMW譽為「最後一英里」嘅完美伴侶,因為成個滑板車採用人體工學設計之餘,出色嘅騎行穩定性相信連小朋友都可以駕馭。其次,可摺疊式設計讓Clever Commute非常適合擺放於汽車行李箱等位置。遇到自動扶梯等情景,Clever Commute亦可變身好似拉杆箱咁拖行。兩種概念電動出行工具都具有超過20公里嘅行駛里程,相信喺澳門咁嘅小城,用處非常之大。



Commentaires


bottom of page