平治插電式混合動力S-Class上市

近日，平治發佈搭載平治第四代混合動力驅動系統嘅全新S-Class plug-in hybrid房車S 580 e。與普通S-Class最大嘅分別，S 580 e擁有平治旗下第二代起步電機之餘，仲配有48V輕混電氣系統。駕駛喺城市之中，汽油引擎可以完全被電機所取代，動力輸出可達到150HP馬力，續航能力亦超過100公里。

其次，S 580 e所搭載嘅M 256 直六引擎喺起步時，可通過永磁勵磁同步電機開始發力，極大嘅增加咗新車嘅加速性能，同埋油門嘅靈活性。新車可使用普通家用電源插電，而使用60 kW 直流充電器快速充電，只需30分鐘即可將新車嘅電量插滿，非常方便快捷。整車油耗亦低至每百公里1.2-1.5升，如果喺澳門呢座小城，隨時停車都有插電嘅情況下，成個月唔洗入油都冇問題呀。

而新車車內方面，汽油版S 580嘅全套高級內隴絕版複製，後排頭等艙等級嘅舒適程度，絕對符合老闆級座駕嘅名頭。新出爐嘅後排 MBUX 內部助手，可以檢測到第二排座位上是否有乘客，並且使用手勢控制，天窗中嘅後捲簾等多處設備都可以隨時控制。仲有自適應後艙照明，允許分幾個階段調節車內照明嘅亮度和色溫。LED 射燈可調節位置同埋大小。