Geely推出Vision Starburst概念車

Geely位於上海嘅設計中心，發布咗融合設計理念Expanding Cosmos為核心嘅全新概念車型Vision Starburst，將以此為範本發展品牌旗下未來車型。其中Geely上海設計中心總裁Guy Burgoyne表示，Expanding Cosmos嘅理念不斷啟發Geely旗下設計師去研發一種全新而又整體嘅車輛設計語言來滿足品牌旗下日益增多嘅車型。

Vision Starburst嘅設計靈感來自於一種恆星嘅現象，宇宙中嘅元素通過不斷嘅融合，產生星雲，最終誕生全新嘅恆星，就如Geely旗下嘅設計師研發過程一樣，通過理念嘅不斷創新同埋融合，最終誕生出猶如恆星一樣絢麗嘅全新車型。其中，Vision Starburst最引人注意嘅當然要數車頭鬼面罩，科技感十足，車頭型格輪廓燈以單線條展示，猶如電影創世紀當中嘅科幻之作。新車嘅腰線同車門互相交織，對開式鍘刀車門讓新車減省B柱空間，車內顯整體氛圍。

燈光亦喺Vision Starburst主打嘅設計元素之一，車輪圈將根據不同狀態而改變顏色，而車內環境亦如此，以車主為中心，Vision Starburst嘅儀錶同埋儀錶板連門板上嘅環境光互相融合，營造出無邊界嘅視覺體驗。據品牌官方介紹，Vision Starburst希望通過車燈向車主及乘客傳達速度感，提供一種全新嘅駕駛體驗。