四場比賽五個領獎台，Audi RS 3 LMS驚艷FIA WTCR賽場

自Audi RS 3 LMS亮相FIA WTCR嘅舞台後，僅喺四場比賽中，奧迪RS 3 LMS就已經喺FIA WTCR 嘅賽場中，獲得五個領獎台嘅位置。當中包括Audi客戶車隊車手Tom Coronel 駕駛RS 3 LMS首次登上領獎台、而Frédéric Vervisch 亦通過RS 3 LMS首次獲勝，以及 Gilles Magnus 於 7 月喺阿拉貢獲得第三名之後，近日緊隨其後獲得第二次勝利同埋第二名嘅好成績。

其中，Audi客戶車隊私人車手Gilles Magnus喺WTCR第四輪比賽中，取得了有史以來最大嘅個人成功，佢喺FIA WTCR 匈牙利Hungaroring站嘅比賽中，以2.1秒嘅領先優勢衝過終點。Gilles Magnus 同埋Audi Sport車手Frédéric Vervisch喺匈牙利站嘅賽事上，都取得非常好嘅起跑位置，並且Gilles Magnus取得咗完美開局，強大嘅性能讓兩台Audi RS 3 LMS 賽車一開始並冇受到太多挑戰。即使比賽遇到安全車，Gilles Magnus亦能保持自己嘅節奏。

第二代Audi RS 3 LMS 喺所有方面都有全新嘅改進，設計團隊為新車樹立兩個目標：讓接近量產型嘅入門級車型，成為更好的賽車，並且喺所有領域優化客戶利益。動力方面，採用第四代EA888 2.0升四缸渦輪引擎，可輸出340匹馬力，全新引擎採用嘅缸體連氣缸蓋、曲柄傳動裝置、氣門機構、進氣歧管、燃油噴射同埋新型渦輪增壓器，都達到專業賽車標準，喺WTCR嘅賽場上展示完美表現。