只需27,995 美金，就可以帶全新2022 Subaru BRZ翻屋企

日前，Subaru終於公布全新BRZ售價，只需27,995 美金，折合21萬7起，即可帶呢部車迷必備神車翻屋企。根據官網消息，新車總共有四個價錢配置，分別為搭載手波同自動波版本嘅BRZ Premium，售價為27,995美金同埋29,595美金，仲有配置升級嘅BRZ Limited版本，手波售價為30,495美金，而自動波則更貴翻少少，需要32,295美金。

配置方面，今次Subaru真喺非常大方，TORSEN限滑差速器唔洗選配，標準版BRZ Premium都有，除此之餘，無鑰匙進入系統，同埋自動調節嘅LED大燈、雙區自動冷氣系統、斜坡輔助系統、加熱後視鏡、電動油門鎖、17寸輪圈等諸多實用配置Subaru全部比晒你，就算喺相同價錢嘅四門房車都唔一定有。

如果咁都唔滿意，升級為2022 BRZ Limited即可擁有啞光18寸合金輪圈，並配上Michelin® Pilot® Sport 4 夏季車胎，駕駛性能絕對有提昇。而安全方面，BRZ Limited仲帶有車道保持輔助、後方盲點檢測系統同埋STARLINK® 安全保障。