北美Toyota Gazoo Racing進軍NHRA，決戰最高速！

喺社長豐田章男嘅帶領下，Toyota賽車版圖繼續擴張，近日Toyota GR賽車部門北美分部(TGRNA)宣布，除咗參加GT4級別同埋Formula DRIFT嘅比賽之餘，更將於新嘅一年加入北美最具人氣嘅NHRA直線加速賽，一戰最速戰車之名。

NHRA直線加速賽一直盛產大馬力怪獸著稱，呢項從1951年開始嘅賽事，吸引咗大批美國人嘅喜愛。可能喺各位車迷心目中，近1600匹嘅Bugatti Chiron可以稱得上大馬力跑車，但喺係NHRA嘅賽場上，10000匹馬力嘅超級怪獸，更加習以為常。最具看點嘅Top Fuel同埋Funny Car組別中，一台經過爆改嘅戰車可以喺3.7秒以內，完成1000英尺長嘅賽道，姐係304.8米，從0加速至 540km/h可以喺4秒內完成嘅。

並且，Toyota公布咗參加新賽季Funny Car嘅戰車，一台GR Supra改裝成專為挑戰該級別賽嘅怪獸車型，前機蓋下3.0T嘅BMW引擎，被替換成一具8.2L V8嘅Supercharge超級引擎，理論上擁有超過11000匹馬力嘅輸出，冇錯喺11000匹。新車將於今年2月首次亮相，有興趣嘅車迷不妨留意下。