全新插電式混動MINI Countryman ALL4亮相

四門五座、兩個引擎同埋四個輪，呢個就喺MINI首款插電式混合動力車型：MINI Cooper SE Countryman ALL4，集齊多功能、靈活操控性同埋高效率嘅特徵。其中城市友好型動力系統，擁有一台1.5 升三缸汽油發動機驅動前軸，可輸出125hp馬力，而後軸則擁有一台可輸出95 hp馬力嘅電機引擎，成套組合型動力系統採用品牌旗下最先進嘅ALL4模式，帶來強大性能。

喺城市交通中，MINI Cooper SE Countryman ALL4 可以純電動驅動。驅車穿過辦公大樓的，就算最為嚴苛嘅Euro 6d 排放標準，MINI Cooper SE Countryman ALL4 亦能輕鬆勝任。10.0 kWh 高壓電池可提供44 至 51 公里嘅綜合電力續航里程，新車十分適合日常通勤上班族，並大大降低交通成本。配置多適配插電頭，使用3.7 kW插電座充電，僅僅兩個半小時，高壓電池可充至總容量嘅80%。

喺純電動駕駛模式下，插電式混合動力車型嘅最高時速可達135公里/小時。如果兩個引擎一起使用，甚至可以達到 196 公里/小時。此外，6.8 秒足以讓新車從靜止加速到 100 公里/小時。而新車所具備嘅385 Nm 組合動力系統扭矩，就算面對西灣橋上坡，亦絕對冇難度。