全新平治Maybach S-Class經已發售

點解大佬細都鐘意坐平治？啱啱上市發售嘅平治Maybach S-Class絕對能比到你答案，新車大氣外觀散發獨有氣勢，瀑布型鬼面罩車型格十足，仲有Maybach S-Class專屬拼色車身，另旁人一眼就能察覺新車與眾不同嘅地位。內陸地頭等艙配置，就算喺駕駛亦或是乘坐，都能擁有超乎想象嘅旅程感受。

Maybach S-Class擁有兩個引擎版本，其中 S 580 4MATIC版本搭載V8 渦輪引擎連第二代48-volt onboard electrical system，可輸出最大馬力503hp及700Nm，0至100km/h只需4.8秒。而Maybach S-Class貴為平治旗下頂級座駕，引擎當然亦為頂級，S 680 4MATIC所採用嘅V12渦輪引擎絕對罕有，更首次搭配4MATIC四驅技術，令人十分期待新車嘅駕駛體驗。根據官方資料顯示，S 680 4MATIC可輸出612hp及驚人嘅900Nm扭力，0至100km/h只需4.4秒。

陸地頭等艙嘅內部空間，亦喺大佬細們最為鐘意嘅亮點之一，全車延續平治S-Class豪華內飾之餘，獨立後排座椅十分舒適之餘，仲附帶按摩功能。後排自適應燈光不僅可以調節亮度，每位更有單獨閱讀燈提供。其次，後排中部所搭載嘅中控屏幕連MBUX Interior Assist，可採用手勢控制，不僅後排乘客可以通過手勢控制車窗及車頂遮陽簾功能外，可與前部中控MBUX Interior Assist並聯使用。全方位豪華體驗，怪唔之得大佬細們咁鐘意坐平治啦！