內地品牌打造復古潮駕，現代科技老爺車是否啱你心水？

內地長城汽車旗下SUV品牌Wey，近日發布旗下新一代智慧復古潮駕，作為Wey車型品類「分化/進化」戰略下嘅全新力作，新一代智慧復古潮駕將新一代高階智慧科技及混動技術，融入經典元素，以復古設計為造型加入科技賦能，打造全新車型，喺彰顯豪華高端品質的同時，亦將成為當下潮流一族表達個性嘅獨特方式。

作為新一代智慧復古潮駕，新車依託顛覆性的復古造型設計，將這一文化基因再度創新，成功填補了復古潮流在汽車領域內的空白狀態，為消費者帶來更個性化、風格化的出行新體驗。據內部消息透露，代號為V72嘅新車，雖然未有動力等相關數據公佈，但喺根據早前Wey推出嘅全新復古車型V71「摩卡」來推測，新車亦將搭載2.0T引擎同埋48V輕混系統，據品牌方透露，詳細資訊將於8月29日嘅成都車展公佈。

內飾方面，新車一體式中控儀錶板十分搶眼，擁有衛星導航同埋副駕多媒體功能等諸多數字化設備，與圓潤嘅復古內飾形成非常大反差對比。圓潤三角方向盤採用皮革包裹，沿用60年代車型復古設計，非常有韻味。據內地媒體推測，新車售價大概喺20萬人民幣左右，計算上各項雜費，25萬即可新車落地，擁有一台個性十足嘅現代科技老爺車，是否啱你心水？