今時今日，手波Skyline R34 GT-R仲值幾多錢？

相信Nissan Skyline R34 GT-R喺唔少JDM車迷心中嘅絕對「女神」，性能同外型都無可挑剔，只需一眼就令人欲罷不能。而呢款誕生於1999年嘅經典神車，經過20年嘅洗禮，今時今日又值幾多錢呢？近日，知名舊車網站Bring a Traile宣佈，旗下一台位於美國紐約州巴爾米拉嘅極品Nissan Skyline R34 GT-R V-Spec成功出售，而售價竟高達310,000美金，折合約2,410,970港紙，相比當初售價翻咗幾倍。

呢台位於美國紐約州巴爾米拉嘅R34 GT-R V-Spec，外型採用超型Midnight Purple II塗裝，太陽光底下將會有漸變嘅效果，性格十足。原裝前分離器、氙氣大燈、鋁製引擎蓋、碳纖維後擴散器同埋尾翼，都標榜住新車未能經過大規模改裝，而胎鈴亦喺原18英寸六輻輪圈，非常有紀念意義。

根據Bring a Traile嘅介紹，呢台位於美國紐約州巴爾米拉嘅R34 GT-R V-Spec得到歷任車主非常全面嘅照顧，打開引擎機艙，齊整嘅佈局襯托出大名鼎鼎嘅雙渦輪增壓 2.6 升 RB26DETT 直列六缸引擎，搭配六速手動變速箱連帶限滑後差速器嘅 ATTESA 全輪驅動系統，加速性能相比現時大部分新車都要快。