top of page

【車展前瞻】高合的未來世界HiPhi X及HiPhi Z


由南光集團、中國機械工業集團有限公司及澳門會議展覽業協會主辦嘅年度澳門車壇盛事,「第十二屆中國國際汽車博覽會」將於11月11至13日响澳門威尼斯人金光展覽廳舉行。豪華智慧純電汽車品牌高合今屆南光車展帶嚟咗HiPhi X同埋HiPhi Z兩款車型,HiPhi X有「可進化超跑SUV」之稱,分四座同六座兩個版本。HiPhi Z則靠性價比超高而得大眾歡心,佢嘅一對標誌性對開車門更加係滿足晒車主嘅虛榮感。

高合呢兩款車型嘅設計講到明「從改變人類出行未來的願景出發」為目標,HiPhi X搭載效率高達97.2%嘅前後220千瓦雙電機同埋97千瓦時大容量電池,百公里加速僅為了9秒,NEDC工況下續航里數達550公里,滿足駕駛者响城市、郊外或者高速公道等多個環景下嘅用車需求。HiPhiz則破格將超跑同四門Coupe有機結合,低頂車身與大尺寸車輪的配搭夠晒跑格,前後三段擾流板與車身穿插嵌套,環繞兩側的裝甲外殼包裹著貫穿前後的黑色車廂,加埋通透嘅玻璃車頂,直頭穿梭機咁樣。

HiPhiZ搭載嘅星環SD光幕系統,全車交互系統由4066顆LED組成,可在不同場景下與駕乘者通過燈光進行交互。高合首次將SD智慧交互燈應用到車身側門上,通過流水光效帶嚟嘅No Touch自動開門體驗,响內地巿場售60萬人民幣起,真係一啲都唔貴。無論係HiPhi X嘅無把手對開門,定係HiPhi Z嘅「天使之翼」對開門都將會成為車展中嘅風頭躉同打卡位。

第十二屆中國(澳門)國際汽車博覽會

11月11至13日@澳門威尼斯人金光展覽廳

高合展位:C009








bottom of page