【成都車展巡禮】長城Oraev打造性別專屬座駕，鐘意粉紅Barbie嘅妳會否心動？

近年，內地長城汽車旗下個性品牌Oraev歐拉聲勢正旺，旗下各款車型均以全電架構打造，融合實用設計融合個性風格，以「更愛女人」為價值觀，主打性別專屬。今次成都車展，Oraev帶來多台品牌旗下車型組成強大陣容，斬獲在場無數女性目光。

今次展會，Oraev推出強大陣容，除咗旗下多款熱賣車型之餘，最新Oraev芭蕾貓亦登場亮相。作為前Porsche設計師設計嘅復古車型，新車猶如長城版Volkswagen Beetle，圓潤嘅車身設計加上Beetle標誌嘅冇進氣格柵設計，真喺有幾分相似。而粉紅同奶白色嘅拼接色車身，覺得符合大多數女性對於可愛嘅定義。

進入車內絕對令人大開眼界，所觸及之處都以可愛元素合計，猶如針對女性消費者所打造嘅粉紅宮殿。全車採用仿皮打造，中控同埋前後排座椅仲使用刺繡工藝，睇落去非常精緻。中控一體式儀錶板，由成塊LED所組成，車主同副駕駛都能一目了然。雖然現時對於新車嘅資訊較少，售價亦只喺13.5萬人民幣起，但喺藉助品牌其他車型嘅成功呢經驗，相信品牌方好快就會推動新車上市。

除咗可愛嘅Oraev芭蕾貓之餘，喺今個月頭上市嘅Oraev好貓GT亦有登場。作為Oraev精緻野性嘅代表，Oraev好貓GT版以性能作為取向，hatchback設計主打年輕人市場，新車以獨立嘅個性同埋超班嘅性能為主打，結合汽車運動元素，創新創立女性獨特座駕風格。

正面望去，Oraev好貓GT一對類似Porsche大燈，非常之容易令人聯想起Porsche品牌嘅運動性能，全車多處個性拉花連運動部件，彰顯新車嘅運動基因。作為一台14.5萬人民幣起售嘅緊湊座駕，新車0至100km/h只需要6.9秒，配合車身自帶嘅ORA-Launch+彈射起步功能，電機最大可以輸出250Nm嘅強大性能。

作為一台面向女性未來座駕，歐拉好貓GT擁有強大嘅ORA-Pilot™3.0智慧自動駕駛輔助系統，包含超過10項自動駕駛協助工具，可實現L2+級自動駕駛。全車配置2顆高精度毫米波雷達，12個超聲波雷達，6個智慧高感知攝像頭和GPS同埋北斗衛星雙模定位系統，構建成歐拉好貓GT駕車走心、用車安心，泊車省心嘅全場域未來圖景。